الشاعر الكبير سعد بن جدلان الاكلبي

--------------------------------------------------------------------------------


قصائد سعد بن جدلان


السلام عليكم ورحمة الله وبركاتة
من قصائد الشاعر سعد بن جدلان
شاعر معروف من الشعراء القديمين وله بصمة كبيرة في الشعر

وتفضلوا بعض قصائده




ياإليّ ليا جيت شيٍ تكمل أوصافه
وإلّي بلا أياك ماتهواه الأخلاقي


ترى صوابي لجا وابطيت بسعافه
يامنجّح الكيّ لاتلحق على الباقي

عامين والحال من فرقاك ملاّفه
لوف أشهب الال عشبٍ نبته أدقاقي

كمّ ليلةٍ من سببك العين ذرّافه
من غيبة الشمس لين الصبح ينساقي

ياعين حرٍ على العسرات مشرافه
عيطٍ لحاليحها تصعب على الراقي

والعنق عنق أدميّ عاود لميلافه
متذيّرٍ عقب ما أروّح ريح تفّاقي

مالك من الجسم غير المتن وأردافه
زاويه خصرٍ عليه الشبر متلاقي

لفيتني لفّ سيرٍ فوق حذاّفه
وصرفتني من هوى تلعات الأعناقي

فأدخل على امّك وأبوك من التزلافه
تبتنّي بالعذاب وتقطع أرزاقي

البرق لجا المشعّف زوّد أشعافه
وأنا مشعّف غرامك وأنت برّاقي
----------------------------------------
القصيدة الثانيه
قصيدة ياتل قلبي


ياتلّ قلبي تلّ غربٍ ربع سانيه+ ماعيّن منه غير العراقي براس أرشاه

على أبو دليقٍ فوق دمث النحر كاسيه+ حمار وبياضٍ يشبه النوّ من منشاه

أتشعشع أخلوم البدر لافرقّه بيديه+ يشادي الضباب اليا تعدى القمر غطّاه

على عود موزٍ جاريّ الما مع ساقيه + وزدٍ على زمّة نباته قراحٍ ماه

الا واعيون الليّ كشف برقه راعيه + يتلّ السبوق وقام راع الولع يشعاه

الا يارسولي بلغّه ماقدرت أجيه + سلملي عليه وخذّ سلامه وعطنياه

لاقالو تحبّه قلت ماعادني بأبيه+ وأنا أشفق له أشفا من سقيم المرض لدواه

أقويّ عزومي كنّ معاد عندي فيه+ وأنا والله انّي مونسٍ البلا وأكناه

عروق الحشى ماتنبت الاّ على طاريه + تنامى على قربه وتهجر على فرقاه

فترى من يعذل مولعٍ من هوى غاليه+ مثل من يحاول يعدل السيل من منحاه

فأنا شفت ناسٍ صلحوّ فالهوى تشويه + لا عيّن وليفه مخلصٍ كلّ يومٍ جاه

لوّ انّ الهوى ذالنوع محدٍ تعذّب فيه+ الكل أهتنى فالحبّ حتى الطلي والشاه
----------------------------------
القصيدة الثالثة
قصيدة وش اسوي

ويش أسوي ياعيون الوحش عنق الغزال
لاحصل طاريك يفتح على قلبي أرواق
لي ثلاث سنين بين الحقيقه والخيال
وأخر اشهر ذالسنّه تكمل الرابع غلاق
شبه وضحاّ فالمخاضير زاويها الحيال
من غلاها عند أهلها تبارى ماتساق
تيهّت من صغرها بين ثنتينٍ هجال
مهتويها راعيّ البل وعاشقها عشاق
عنديّ إنّك ماخذٍ تاج ربّات الجمال
سلموّك الحسن من باب صنعاء للعراق
-------------------------------------
القصيدة الرابعة
قصيدة لعبة الشطرنج

انا يوم اجيّ وأمركم ياوليفي حنج
ولا وديّ أقرابك تلدّ النظر فيّه
لعبّ بيّ غرامك فالخفا لعبة الشطرنج
ليا دار لعبه بين الأعضاء السياسيه
وسبح بي غرامك سبح موج البحر فاللنجّ
غفلت وغدابي حبّك شويّه ..شوّيه
لاشفت زولك قام يدخل أعظامي بنج
أسولف مع العالم وقلبي له نحيّه
-----------------------------------
القصيدة الخامسة
قصيدة ياوليفي


ياوليفي دمعكم في غيابي ردّ لي
وأدري انّ دمعتك خوفٍ عليّ ومن غلاي
أنت ممرضني وأشوف المرض فيكم وفيّ
الهبوب البارده منّك هبّت في حشاي
والله انّ كبدي عليكم عراويها أضميّ
والمشارب غير هرجتك ماتقطع ضماي
كيف تستغرب بطاي ومجييّ يوم أجيّ
منك اجيك أبدون رأيٍ وأروح ابدون رأي
ليلي أسهر به والا جاء النهار أشلىشوّي
مرتٍ أشلى ومرٍ يعاودني بلاي
وأنت سبّة كلّ شي ولا داويت شيّ
كيف ياقادر على داي ماتقدر دواي
بعد ما شتتوّ الفكر وأخليتو يديّ
كثرت أعلوم الشماميت وأفرحتو عداي
مابعد جاني من يوم التقو بي والديّ
ولابعد مرّ المحبين منّ حوّاء وجاي
لوّ خبر به حيّ يبكي على فقدان حيّ
كان يمدي من عرفني يشاركني عزاي
جعل يسقى يوم كان الهوى ماغير غيّ
فأول الرحله مثل مبتداك ومبتداي
----------------------------
القصيدة السادسة
قصيدة فاعل خير


أنا وين أبلقى يالاجاويد فاعل خير
حريصٍ على سرّ المحبين لارسلته
أناّ لوّ أبصبر عام مابان بي تأثير
وهالحين حتّى الصبر يومين ما أحتلته
أنا مثل صقارٍ تولّع بحبّ الطير
ولف قلبه فروخ الصورايم وهبلته
تولعّت في فرخٍ قضيبٍ يتلّ السير
ابيّ نظرتٍ من لفتة الحرّ وسبلته
صغيرٍ بسنّه غير عندي ماهو بصغير
يامغلاه في قلبي وياكبر منزلته
أجمعله سمان الهرج خوفٍ من التقصير
والى جيت ابشرح له كلامي تهيزلته
يجيني منّه هيبه . معزه . سحى . تقدير
اقابله عندي علم وأروح ماقلته


------------------------------
القصيدة السابعة
قصيدة هوى الخدرات

مل قلب من هوى الخدرات عيا + باقي له من هوى خله بقايا

مل قلبٍ من هوى الخدرات عيا
باقيٍ له من هوى خلة بقايا


لابغيت اسج من سمح المحيا
شفت من وصفه على غيره حلايا


فز قلبي وانتبه عقب النسيا
وانحرف فكري وجارن الكوايا


راح يشفني على نور الثريا
لين وردني على حوض المنايا


وان بغيت اجيه وصله ماتهيا
صارو العربان من دونه حمايا


ياوليفي لاتسويبي كذيا
الخطايا لا تلحقها الخطايا


مايبور بصاحبه عقب البغيا
كود ناسٍ مالها بالله عنايا


كل شي اعمله كود الجفيا
الجفا يزعل وسيعين النهايا
--------------------------------
القصيدة الثامنة
قصيدة حزازات ومشوخ

يامل قلب(ن) تقول يقلا على صيخ
خلت به الدنيا حزازات ومشوخ
دنيا تنوخ راعي العقل تنويخ
وينداش فيها صاحي الفكر ويدوخ
تغيرو فيها العيال المطانيخ
وسبابها شمل العرب صار مشلوخ
خلتهم الدنيا مناشف طبابيخ
حتى الاقارب بينها الذيب مصلوخ
ماعاش فيها الاأعيال الطخاطيخ
خطوا البعير اللي من المدح منفوخ
من شان ماله صار شيخ ولد شيخ
وامشيخٍ نفسه على النصب والجوخ
بالحكي لعتازوه وياك مريخ
وليا جاء لزومٍ عندهم صاروا فروخ
-------------------------------
القصيدة التاسعة
قصيدة ياعيون

ياعيون مرقبٍ فعل الجداير
في صعانين الطوال المستديره
صاحبك يعطي على شوفك بشاير
ديرةٍ منتو بها ماهي بديره
من خذا منكم خفيّات السراير
والله انّ يبطي ولعكم في ضميره
لبةٍ بين المعنّق والزراير
مثل شمس الصبح قدّام السفيره
ويتفرشها من الخمري ستاير
ذيل شقراّ شعشعت قدم المغيره
جوهرة قارون غالية التجاير
أشهد انّك بهجة العمر الكبيره
واحدٍ حضّك مع حضّه يساير
شايفٍ القدر فالعشر الأخيره
جعل أبو من لامني حمر المناير
في محبّة واحدٍ مالي بغيره
--------------------------------
القصيدة العاشرة
قصيدة الرفقة لسعد بن جدلان


البارحه يوم الاوادم خواشيع
في نومها وناعلى الكوع واعي
هم(ن)يمزع سترة القلب تمزيع
تقول ينهش ثومة القلب افاعي
خذت القلم من بين روس الاصابيع
وحبيت اميز سيرتي وانطباعي
عزلت من صدقان عطلةالاسابيع
وعزلت من ضحك الوجيه الصناعي
وعزلت من بنين بامالي مشاريع
جميد برد ولانس الشمس ماعي
وعزلت من زرع الخلي البلاقيع
وعزلت من رفع الثنيه رباعي
من نفعة اللي ماطلبني منافيع
جميلة(ن)في غير اهلها ضياعي
في اسواقها ماعاد لشري ولابيع
لخطيت من رفقة طويل الذراعي
اللي على الرفقه يسوقه دوافيع
هذاك تشرى رفقته ماتباعي
امايشجعني على الطيب تشجيع
والايعلمني حميد المساعي
والا ليامنه رمعني رواميع
وضاقت على كل الفجوج الوساعي
جيته ويسرلي عسير المواضيع
وخلاخفايا خاطري له وساعي
معرفته ماهي معرفة طماميع
ماتنتج الاالغطرسه والضياعي


تحياتي
للمزيد من مواضيعي

:بسم الله الرحيم [b]

صح لسانك كفوووو
[i][b]

صح بدنك